Bubbi Morthens

Lag og texti: Bubbi Morthens

Er nokkuð skárra að lifa úti á landi
eða er lömunin betri hér?
Er praktískt að sjúga mjólk úr sandi
er hægt að synda í frjósandi hver?
Þingmaður og svarið er já, já.
Þingmaður og svarið er nei, nei.

Mig langar til að trúa þér
trúa, trúa, trúa.
Eru orð þín ætluð mér
trúa, trúa, trúa.

Er sólin víxill sem vaknar hjá Denna
er vorið misnotað barn?
Er Jónas Hallgríms á himnum að brenna
er Hitler að vefja þar garn?
Þingmaður og svarið er já, já.
Þingmaður og svarið er ne,i nei.

Er helvíti Dantes Íslands óður
allt hafið bleik klósettskál?
Var Neró hinn ljúfi á lýruna góður
hafa lögfræðingar sál?
Þingmaður og svarið er já, já
Þingmaður og svarið er nei, nei.

Lagið má finna á eftirtöldum útgáfum

Bubbi - Von (1992)

Bubbi - Sögur 1990-2000 (2000)

Bubbi - Bubbi og Stórsveit Reykjavíkur (DVD, 2008)*