Bubbi Morthens

Lag og texti: Bubbi Morthens

Það snjóar hérna úti og garðurinn hann gránar.
Garðastrætishúsin verða hlýleg að sjá
og kertaljóssins skuggar skrítnum myndum varpa
á veggina í stofunni sem ég stari á.

Og myndirnar þær læðast, lúmskar inn í hugann
leggjast bak við augun og hvísla því að mér
að ástin sé augnablik sem brenni mannsins hjarta
í brjósti mínu er eldurinn enn að leika sér.

Og þau svífa í kvöld snjókornin
sem kossar án vara.
Og við sem vorum ástfangin
aldrei náðum saman,
það lá alltaf í loftinu
að ég mundi fara.

Það snjóar hérna úti og enginn er á ferli
allt er hjúpað rökkri og kertin eru dauð.
Senn fer hann að birta og bílar vakna kaldir
en borgin sefur ennþá og gatan mín er auð.

Lagið má finna á eftirtöldum útgáfum

Bubbi - Von (1992)

Bubbi - Sögur 1990-2000 (2000)

Úr kvikmynd - Blindsker, saga Bubba Morthens (2004)

Ýmsir - 100 Íslenskar ballöður (2009)